Ва Украіне нашлі і арыштавалі маёмасць расейскага алігарха Усманава на амаль 55 млн долараў
Украінскі суд па матэрыялах СБУ арыштаваў маёмасць расейскага алігарха Алішэра Усманава на 2 млрд грыўняў (каля 55 млн долараў), паведамілі ў Службе бяспекі Украіны.
«У выніку следча-аператыўных дзеянняў устаноўлена месцазнаходжанне падпольных складоў РФ, дзе захоўвалі больш за 160 тысяч тон украінскай жалезнай руды. Схаваная сыравіна выяўлена на тэрыторыі некалькіх марскіх партоў Украіны», – праінфармавалі ў СБУ.
Пазней СБУ ўстанавіла, што знойдзеная партыя жалезнай руды належыць кампаніі расейскага алігарха, які ўваходзіць у бліжэйшы асяроддзе вышэйшага ваенна-палітычнага кіраўніцтва Крамля, Алішэра Усманава. Пасля 24 лютага на яго накладзены санкцыі Украіны, ЗША і ЕЗ.
Агульны кошт канфіскаваных карысных выкапняў складае амаль 2 млрд грывень.
«Паводле аператыўнай інфармацыі, утоеную сыравіну прадстаўнікі краіны-агрэсара спрабавалі нелегальна пераправіць марскімі судамі на тэрыторыю Расеі. Пасля гэтага карысныя выкапні планавалі перадаць на патрэбы металургічнай галіны і ваенна-прамысловага комплексу РФ для забеспячэння запатрабаванняў расейскіх акупацыйных груповак», – заявілі ў СБУ.
Па матэрыялах ведамства, на адабраную маёмасць накладзены арышт і вырашаецца пытанне аб яе далейшым выкарыстанні.
Алена Рувіна belsat.eu
