Ціханоўская расказала топ-чыноўнікам Нямеччыны, як рэжым Лукашэнкі абыходзіць санкцыі
Святлана Ціханоўская і віцэ-канцлер Нямеччыны Роберт Хабэкамякі, які таксама з’яўляецца міністрам эканомікі, абмеркавалі перакрыццё абыходу санкцыяў беларускімі ўладамі. Палітыкі сустрэліся 25 лістапада.
Ціханоўская перадала віцэ-канцлеру дакументы Аб’яднанага Пераходнага Кабінета з інфармацыяй пра тое, як рэжым абыходзіць санкцыі, і якія ёсць рашэнні гэтай праблемы, паведамляе прэс-служба лідаркі беларускіх дэмсілаў.
«Асобна гаварылі пра падтрымку незалежных медыя, у прыватнасці – пра павелічэнне фінансавання беларускай службы Deutsche Welle», – працягвае прэс-служба.
З міністаркай замежных справаў Нямеччыны Аналенай Бербак Святлана Ціханоўская гаварыла пра пытанні легалізацыі беларусаў, у тым ліку – дзяцей, якія нарадзіліся ў Нямеччыне. Бербак паведаміла, што нямецкі ўрад ужо разаслаў інструкцыі па выдачы неабходных дакументаў для беларусаў Нямеччыны ва ўсе дзяржаўныя інстытуты.
Як заўсёды, Ціханоўская ўздымала тэму беларускіх палітвязняў, пра многіх з якіх цяпер нічога не вядома.
«Ціханоўская заклікала міністарку дапамагчы з прыцягненнем Лукашэнкі і яго памагатых да адказнасці», – адзначае прэс-служба кіраўніцы Аб’яднанага пераходнага кабінету.
Арсен Рудэнка belsat.eu
