У Растоўскай вобласці затрымалі грамадзяніна Беларусі, які выступаў з крытыкай расейскага войска і вайны ва Украіне. Яго затрымалі па крымінальным артыкуле аб дыскрэдытацыі расейскага войска. Пра гэта паведамляе інфармагенцтва «Дон 24» са спасылкай на крыніцу ў сілавых структурах рэгіёну.
Затрыманы 33-гадовы жыхар беларускага гораду Новыя Дактаровічы Капыльскага раёну дастаўлены ў цэнтр часовага ўтрымання замежнікаў пры МУС РФ у Новачаркаску. Такое рашэнне прыняў гарадскі суд. Пазней яго дэпартуюць з Расеі.
Якім менавіта чынам ён праявіў дыскрэдытацыі ў дачыненні да расейскага войска – не паведамляецца.
Паведамляецца, што беларус нядаўна вызваліўся з адной з папраўчых устаноў рэгіёну, адбыўшы пакаранне, і ў кастрычніку мясцовая Федэральная служба выканання пакаранняў прыняла рашэнне забараніць яму ўезд у Расею на тры гады.
Алена Рувіна belsat.eu
