У Літве зменіцца парадак рэгістрацыі замежных турыстаў. З гэтага моманту ўсе госці краіны павінны будуць рэгістравацца ў Нацыянальнай турыстычнай інфармацыйнай сістэме.
З 1 ліпеня 2024 года ўсе пастаўшчыкі паслуг размяшчэння ў Літве павінны будуць выкарыстоўваць для рэгістрацыі сваіх кліентаў новую сістэму і ўводзіць гэтую інфармацыю цягам 24 гадзін.
Пра гэта паведаміла кіраўніца аддзелу турыстычнага маркетынгу і камунікацыяў «Keliauk Lietuvoje» Давіле Селюке выданню «Delfi».
Пры гэтым законам пакуль не прадугледжваецца ўвод дадзеных па заканчэнні 24-гадзіннага перыяду.
Гэтыя змены, на думку прадпрымальнікаў, могуць прывесці да сур’ёзных праблемаў, якія звязаныя з бяспекай дадзеных, акрамя таго, пытанні могуць узнікнуць з-за таго, што не ва ўсіх сядзібах, якія займаюцца вясковым турызмам, маецца доступ у інтэрнэт.
Раман Шавель belsat.eu
