Крамы польскага абутку «Wojas» паведамілі пра распродаж калекцыяў і спыненне працы, піша smartpress.by.
«Мы закрываемся. Сказалі ўчора, тэрміны пакуль не агучылі», – пацвердзілі журналістам прадаўцы.
Прычынаю разасланага кампаніяй паведамлення сталася пастанова ўраду Беларусі пашырыць спіс тавараў, якія нельга ўвозіць з Польшчы, а таксама з Латвіі, Літвы, Польшчы, Чэхіі і Эстоніі ды прадаваць у Беларусі. Сярод іх піва, зброджаныя напоі, сродкі для догляду скуры, для валасоў, для галення, для гігіены рота і зубоў, дэзадаранты, мыла, мыйныя сродкі для кухні і купальні, дываны, тэкстыльная адзенне, галаўныя ўборы, пасцельныя прыналежнасці, посуд і некаторая іншая прадукцыя. Сярод іншага Менск забараніў увозіць з названых краінаў абутак – як гумавы, гэтак і скураны.
Беларусь увяла абмежаванні на ўвоз прадуктаў з недружалюбных краінаў, якія «рэалізуюць дыскрымінацыйную палітыку» з 1 студзеня 2022-га. Першапачаткова забарона ўводзілася на паўгода, аднак улады пастанавілі яе падоўжыць. І рабілі гэта неаднаразова.
Беларусы ўжо не знойдуць на беларускіх прылаўках наступных тавараў з «недружалюбных краінаў»:
У спіс «недружалюбных краінаў» уваходзяць ЕЗ, ЗША, Канада, Нарвегія, Албанія, Ісландыя, Паўночная Македонія, Вялікая Брытанія, Чарнагорыя, Швейцарыя.
Ася Саковіч belsat.eu