Міжнародны алімпійскі камітэт 15 чэрвеня апублікаваў спіс беларускіх і расейскіх спартоўцаў, якім дазволілі ўдзельнічаць сёлета ў Алімпійскіх гульнях у Парыжы. Яны будуць выступаць у індывідуальным нейтральным статуце.
Спартоўцаў адбірала адмысловая нейтральная камісія AINERP, што ацэньвала права кожнага грамадзяніна Беларусі і Расеі на ўдзел у Алімпіядзе.
Яны змогуць удзельнічаць толькі пры ўмове прыняцця індывідуальнага запрашэння і падпісання ўмоваў удзелу, у якіх яны абавязуюцца выконваць Алімпійскую хартыю, у тым ліку «Мірную місію Алімпійскага руху».
Спіс спартоўцаў яшчэ будзе абнаўляцца. На гэты момант у яго трапілі:
- Ганна Церах (веласпорт)
- Іван Літвіновіч (батут)
- Віялета Бардзілоўская (батут)
- Сюзана Валодзька (цяжкая атлетыка)
- Яўген Ціханцоў (цяжкая атлетыка)
- Ягор Акуліч (барацьба)
- Уладзіслаў Казлоў (барацьба)
- Абубакар Хаслаханаў (барацьба)
- Дзмітрый Зарубскі (барацьба)
- Віялета Рэбікава (барацьба)
- Крысціна Сазыкіна (барацьба).
Беларуская бягуння Крысціна Ціманоўская, якая выступае за Польшчу, таксама заваявала пуцёўку на Алімпійскія гульні. Алімпіяда пройдзе ў Парыжы 26 ліпеня – 11 жніўня 2024 года.
Якуб Хруст belsat.eu
