Міністр замежных справаў Швейцарыі Ігнац’ё Кассіс заявіў, што другі саміт міру можа адбыцца яшчэ да прэзідэнцкіх выбараў у ЗША. Пра гэта паведамляе BBC.
Адпаведную заяву кіраўнік МЗС Швейцарыі Ігнац’ё Кассіс зрабіў пасля завяршэння першага мірнага саміту, які прайшоў у Швейцарыі 15-16 чэрвеня.
Прэзідэнцкія выбары ў ЗША маюць адбыцца ў пачатку лістапада 2024 года.
Раней прэзідэнт Украіны Уладзімір Зяленскі заявіў, што падрыхтоўка да другога саміту міра зойме месяцы, але не гады. «Калі план будзе гатовы, а кожны крок прапрацаваны, тады адкрыецца шлях да правядзення другога саміту міра, а значыць, і да завяршэння вайны», – падкрэсліў ён. Паводле Зяленскага, калі Расея пагодзіцца прыняць удзел у другім саміце, то «гэта будзе гаварыць аб тым, што яны жадаюць міру».
Пры гэтым дзе і калі можа прайсці наступная сустрэча, пакуль не зразумела. Медыі паведамлялі, што ў якасці магчымага месца правядзення форуму разглядаецца Саудаўская Аравія.
Глеб Нержын belsat.eu
