За мінулыя содні, 27 ліпеня, польская Памежная ахова зарэгістравала 292 спробы мігрантаў нелегальна мінуць мяжу Польшчы з боку Беларусі. Гэта рэкордная колькасць спробаў нелегальнага перасячэння польскай мяжы за адзін дзень у гэтым годзе.
Сярод мігрантаў былі грамадзяне Судану, Алжыру і Шры-Ланкі.
Таксама на адцінку заставы ў Крынках шэсць чалавек спрабавалі пераправіцца праз памежную раку Свіслач на надзіманай лодцы, аднак вярнуліся на беларускі бок, калі ўбачылі польскі патруль.
За дапамогу ў мінанні мяжы былі арыштаваны два грамадзяніны Украіны, якія перавозілі ў аўтобусе 26 замежнікаў (10 грамадзянаў Эфіопіі, 5 грамадзянаў Эрытрэі, 4 грамадзяніны Непалу, 2 грамадзяніны Палестыны, 2 грамадзяніны Алжыру, 2 грамадзяніны Самалі і Марока).
Учора, 27 ліпеня, міністр унутраных справаў і кіраўніцтва Мар’юш Каміньскі падчас брыфінгу з камандзірамі памежнай службы заявіў, што толькі сёлета было зроблена 17 тысяч спробаў незаконна перасекчы польскую мяжу з боку Беларусі.
Алена Рувіна belsat.eu