Былы прэзідэнт Манголіі Цахіягійн Элбэгдорж апублікаваў у сацсетцы X допіс з заклікам арыштаваць Аляксандра Лукашэнкі, які заўтра мусіць прыбыць у Манголію з афіцыйным візітам.
Былы прэзідэнт Манголіі Цахіягійн Элбэгдорж назваў Аляксандра Лукашэнку «дыктатарам-ізгоем, які імкнецца прасунуць крамлёўскі праект».
Мангольскі палітык падкрэсліў, што Лукашэнка адказны за злачынствы супраць чалавечнасці ў Беларусі, а Манголія зʼяўляецца ўдзельніцай Рымскага Статуту і мае суддзю ў Міжнародным крымінальным судзе ў Гаазе.
Цахіягійн Элбэгдорж заклікаў выканаць свае абавязкі перад міжнароднай супольнасцю і арыштаваць Лукашэнку ва Улан-Батары. На ягоную думку, гэта падзея стане перамогай справядлівасці і прынясе Манголіі добрую рэпутацыю.
Нагадаем, з 1 да 4 чэрвеня Лукашэнка наведае Манголію з афіцыйным візітам.
Глеб Нержын belsat.eu
