Міжнародная праваабарончая арганізацыя запусціла электронны зварот за тэрміновае вызваленне валанцёркі «Вясны», палітзняволенай Марфы Рабковай. Падпісаныя звароты будуць накіраваныя міністру замежных спраў і генеральнаму пракурору Беларусі.
«Улады Беларусі павінны спыніць пераслед сябраў Праваабарончага цэнтру «Вясна» і іншых грамадзянскіх актывістаў, а таксама паважаць правы ўсіх жыхароў краіны на свабоду аб’яднанняў, мірных сходаў і на свабоду выказвання меркаванняў», – адзначаецца ў тэксце ліста, які прапаноўваецца падпісаць.
Зварот утрымлівае наступныя патрабаванні:
Падпісаць электронны зварот можа любы жадаючы, для гэтага неабходна на сайце Amnesty International пакінуць свае імя, прозвішча, электронны адрас і абраць краіну.
Каардынатарка Валанцёрскай службы «Вясна» Марфа Рабкова была затрыманая 17 верасня 2020 году і стала першай затрыманай прадстаўніцай арганізацыі. У кватэры Марфы быў праведзены ператрус, канфіскаваныя грошы, асабістыя рэчы і тэхніка, а саму праваабаронцу змясцілі пад варту, дзе яна знаходзіцца і дагэтуль.
Марфа абвінавачваецца па шэрагу артыкулаў Крымінальнага кодэксу:
– ч.2 арт.293 – «Навучанне ці іншая падрыхтоўка асобаў, датычных да ўдзелу ў масавых закалотах, ці фінансаванне гэтай дзейнасці»;
– ч.2 арт.285 – «Удзел у злачыннай арганізацыі ў любой іншай форме»;
– арт.130 – «Распальванне нянавісці».
«Марфа – праваабаронца, якую пераследуюць выключна за ейную законную, мірную праваабарончую дзейнасць. Напішыце электронны ліст міністру замежных справаў і генеральнаму пракурору Беларусі і запатрабуйце ад іх неадкладнага і безумоўнага вызвалення Марфы Рабковай», – заклікае Amnesty International.
ГГ, belsat.eu