Скарга праваабаронцы Насты Лойкі зарэгістравана Камітэтам ААН па правах чалавека. Аб гэтым паведамляюць праваабаронцы.
Як адзначаюць праваабаронцы з «Human Constanta», справа Насты Лойкі знаходзіцца на разглядзе ў Камітэце ААН па правах чалавека. Праваабаронцы падкрэсліваюць, што пакуль доўжыцца гэты разгляд, «дзяржава абавязана даць ёй неадкладны доступ да незалежнай меддапамогі, а таксама забяспечыць захаванасць яе жыцця і здароўя, фізічнага і ментальнага здароўя, у тым ліку, з дапамогай прадстаўлення прыдатнага для сезону адзення».
«Скарга пададзена на падставе артыкулаў 9 (права на свабоду і асабістую недатыкальнасць – адвольнае затрыманне) і 14 (права на справядлівы суд) Міжнароднага пакта аб грамадзянскіх і палітычных правах», – гаварыцца ў паведамленні праваабаронцаў.
Нагадаем, 14 снежня Насту Лойку чацвёрты раз запар арыштавалі. Суд Першамайскага раёну Менску прызначыў ёй чарговыя 15 содняў арышту. Як і ў папярэднія разы, праваабаронцу асудзілі паводле арт. 19.1 КаАП (Дробнае хуліганства). Такім чынам тэрмін знаходжання жанчыны за кратамі складзе мінімум 60 сутак.
Антон Тачняк belsat.eu