Следчы камітэт пачаў працэс спецыяльнага вядзення ў дачыненні грамадскага дзеяча Вадзіма Пракоп’ева. Адпаведнае рашэнне ўзгодненае генпракурорам, піша СК.
Пракопʼева вінавацяць паводле шасці артыкулаў Крымінальнага кодэксу, у тым ліку паводле ч. 1 арт. 130 («Распальванне варожасці») і ч. 3 арт. 361 («Удзел на тэрыторыі замежнай дзяржавы ва ўзброеным фармаванні або ўзброеным канфлікце, ваенных дзеяннях, вербаванне або падрыхтоўка асоб да такога ўдзелу»).
Таксама яму інкрымінуюць паклёп у дачыненні Аляксандра Лукашэнкі (ч. 2 арт. 367) і яго знявагу (ч. 1 арт. 368), у тым ліку паўторную (ч. 2 арт. 368), ды знявагу прадстаўніка рэжыму (арт. 369).
Спецыяльнае вядзенне пачалося 29 верасня. Пракопʼеву трэба зʼявіцца ў СК у Берасці.
Менскі гарадскі суд 21 чэрвеня ўжо вынес адзін прысуд Пракоп’еву. Яго прызналі вінаватым у справе аб нападзе на дом дэпутата Алега Гайдукевіча і завочна прысудзілі яму 25 гадоў калоніі ва ўмовах узмоцненага рэжыму.
Якуб Хруст belsat.eu