У Вільні праваахоўнікі зноў затрымалі Мантаса Данелюса. Раней яму выставілі абвінавачанне ў шпіянажы на карысць Беларусі. Цяпер арышт звязаны з парушэннем меры стрымання, паведамляе tv3.lt са спасылкаю на BNS.
Жыхар Вільні Мантас Данелюс будзе за кратамі да 5 красавіка. Пракуратура Літвы пастанавіла змяніць меру стрымання падазраванаму ў шпіянажы на карысць Беларусі. У пачатку лютага сёлета Мантаса Данелюса арыштавалі на 4 месяцы, але пазней вызвалілі на падпіску аб нявыездзе.
Падставаю для новага арышту сталася сістэматычнае парушэнне ўмоваў утрымання. У прыватнасці, ён хаваўся ад следчых, перашкаджаў следству.
Раней «Белсат» паведамляў, што Мантас Данелюс трапляў у беларускія арганізацыі ў Літве і перадаваў інфармацыю пра іх КДБ.
Алена Аляксандрава belsat.eu