Суд Ленінскага раёну Менску вынес прысуд Арцёму Ждановічу і Кацярыне Стаднік, якіх абвінавацілі ў «арганізацыі і рыхтаванні дзеянняў, што груба парушаюць грамадскі парадак, альбо ўдзелу ў іх» (ч. 1 арт. 342 КК).
Справу разглядала суддзя Юлія Шчоткіна, паведамляе «Вясна».
Паводле матэрыялаў абвінавачання Арцём і Кацярына напрыканцы жніўня 2020 года ў Менску на праспекце Незалежнасці і бліжэйшых вуліцах, «дзейнічаючы супольна і ўзгоднена групай асоб з іншымі асобамі, прынялі актыўны ўдзел у групавых дзеяннях, якія груба парушаюць грамадскі парадак, што прывяло да парушэння працы грамадскага транспарту».
Выкарыстоўвалі ў якасці пратэснай сімволікі сцяжок бел-чырвона-белага колеру (а абвінавачаны Ждановіч пры гэтым дэманструючы ў якасці пратэснага сімвалу жэст V пальцамі рук), рухаліся па праезнай частцы дарогі, блакавалі шлях транспартным сродкам.
Марыя Мурашка