Праваабарончая супольнасць Беларусі прызнала палітвязнямі яшчэ восем асобаў – усе пазбаўленыя волі за «абразу прадстаўніка ўлады» ці «абразу Лукашэнкі».
Здымак мае ілюстрацыйны характар. Турма № 4 у Магілёве, Беларусь.
Фота: Саша Мінько / mspring.media
Праваабарончы цэнтр «Вясна» паведаміў 31 траўня аб супольным рашэнні шасці праваабарончых установаў прызнаць палітычнымі зняволенымі восем чалавек.
- Андрэй Валасач, узяты пад варту паводле арт. 369 КК РБ за «абразу прадстаўніка ўлады».
- Уладзімір Пархоменка, асуджаны паводле ч. 1 арт. 368 КК РБ за «абразу Лукашэнкі» на 1 год пазбаўлення волі ў папраўчай калоніі;.
- Ігар Фёдараў, асуджаны за «абразу Лукашэнкі» на 2 гады пазбаўлення волі ў папраўчай калоніі.
- Антон Баброў, асуджаны за «абразу Лукашэнкі» на 2 гады пазбаўлення волі ў папраўчай калоніі.
- Іван Паршын, асуджаны за «абразу Лукашэнкі» і паводле ч. 1 арт 130 КК за каментары ў сацыяльных сетках у адносінах супрацоўнікаў МУС, у якіх, паводле тэксту прысуду, прамых заклікаў да гвалту не было, да 2 гадоў і 6 месяцаў пазбаўлення волі ў папраўчай калоніі.
- Андрэй Барысюк, асуджаны за «абразу прадстаўніка ўлады» на 2 гады абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання.
- Дзяніс Кісялёў, асуджаны за «абразу Лукашэнкі» на 1 год і 6 месяцаў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання.
- Валерый Захарчык, асуджаны да 3 гадоў калоніі за «абразу Лукашэнкі», за «абразу прадстаўніка ўлады» і паводле арт. 203-1 КК РБ за «распаўсюд персанальных звестак».
Праваабаронцы заклікаюць неадкладна вызваліць гэтых і ўсіх іншых палітычных зняволеных, спыніць іх крымінальны пераслед, а таксама дэкрыміналізаваць так званыя дыфамацыйныя правапарушэнні – за «абразу».
Разам з гэтымі васьмю людзьмі ў Беларусі ўжо 1223 чалавекі прызнаныя палітычнымі зняволенымі. Але зняволеных з палітычных прычынаў, імаверна, больш. Праваабаронцы правяраюць кожную справу на адпаведнасць азначэнню «палітвязень» і проста не паспяваюць за рэпрэсіўнай машынай.
Аб’ектыў
КДБ называе палітвязняў «тэрарыстамі». Да чаго прывядзе далейшы ціск?
2022.05.25 23:12
Алесь Наваборскі belsat.eu