Беларусы ў розных краінах працягваюць трымаць падзеі на радзіме на відавоку замежнікаў. Яны ладзяць акцыі і распавядаюць мінакам пра тое, што адбываецца ў Беларусі.
29 верасня адбылася спантанная акцыя беларусаў Варшавы, абураных бязмежжам сілавікоў і тых, хто прыйшоў ушанаваць памяць героя Беларусі Андрэя Зэльцара.
Беларусы Львова ўшанавалі памяць забітага Андрэя Зельцара.
29 верасня ва Вроцлаве адбылася акцыя салідарнасці з беларускім народам. Галоўнай тэмай акцыі сталі ахвяры рэжыму і палітычныя зняволенныя. Ціск у Беларусі павялічваецца, і тое што адбываецца датычыцца кожнага беларуса. Мы марым і верым у тое, што хутка ўсе невінаасуджаныя будуць рэабілітаваныя і грамадства прыйдзе да кампрамісу.
Беларусы па ўсім свеце працягваюць выходзіць на акцыі пратэсту. 25 верасня ў Беластоку – супраць рэпрэсій у дачыненні да палякаў у Беларусі.
Беларуская дыяспара 25 верасня правяла пікет у Вашынгтоне каля Белага Дому ў гадавіну нелегітымнай інаўгурацыі. Раздавалі ўлёткі, распавядалі амерыканцам пра сітуацыю ў Беларусі і збіралі подпісы пад петыцыяй аб міжнародным непрызнанні ўраду Лукашэнкі, што дазволіць пазбавіць рэжым доступу да міжнародных фінансавых рэсурсаў і зробіць немагчымым прызнанне міжнародных дамоваў/абавязкаў падпісаных прадстаўнікамі Лукашэнкі.
Беларусы з Гданьску на сваёй штотыднёвай Акцыі салідарнасці заклікалі рабочых у Беларусі далучацца да стачкі. «Толькі разам мы пераможам хунту! Жыве Беларусь!»
26 верасня беларусы Вроцлава сабраліся ў падтрымку польскіх палітвязняў. Гэтак жа яны традыцыйна вынеслі палотны з імёнамі палітвязняў, якія пастаянна папаўняюцца. Падчас акцыі ўзгадалі Віталя Шышова, у якога ў гэты дзень было пахаванне і была праведзена хвіліна маўчання. Беларусы Вроцлава не здадуцца і не даруюць. На акцыю прайшло больш за 80 чалавек і ў канцы традыцыйна прагучалі Муры ў выкананні беларусаў, якія працягваюць выходзіць супраць рэжыму.
26 верасня беларуская дыяспара Беластоку згуляля ў футбол з польскай камандай з Беластоку Fortecy No на знак салідарнасці з палітычным зняволеным футбалістам Крумкачоў Аляксандрам Івуліным.
Беларускі Беластоку зладзілі прагулку салідарнасці з бчб-дзяўчынамі з Менску. «Вы цудоўныя, прыгожыя і адважныя! Трымайцеся! Жыве Беларусь! Жыве прыгажосць!»
Беларуская дыяспара Турцыі віншуе палітвязняў, якія маюць народзіны ў кастрычніку.
23 верасня беларусы Масквы далучыліся да святкавання 700-гадовага сяброўства Беларусі і Літвы! І таксама павіншавалі Сямёна Георгіевіча Шарэцкага з 85-годзем! «Беларусь будзе Вольнай! Жыве Беларусь!»
24 верасня беларусы Масквы ўзгадалі першы з’езд абʼяднання беларусаў свету «Бацькаўшчына», які адбыўся ў Менску ў ліпені 1993 года і зʼезд адкрываў Васіль Быкаў, на ім прысутнічалі шматлікія прадстаўнікі беларускай інтэлігенцыі, а таксама тагачасны кіраўнік Беларусі Станіслаў Шушкевіч. А сёння лукашэнкаўскі Вярхоўны суд ліквідаваў «Бацькаўшчыну».
«Але мы ведаем, што Культура мацнейшая за дыктатуру! Верым! Можам! Пераможам! Жыве Беларусь!»
Антычны тэатр на ўзгорку Фурвьер.
Жыве Беларусь і ў Грузіі.
Прывітанне са Шчэціну.
МГМ belsat.eu