3 жніўня Украіна распачала перамовы з ЗША датычна двухбаковага пагаднення аб гарантаванні бяспекі, паведамляе прэс-служба прэзідэнта Украіны.
Пагадненне аб гарантыях бяспекі прадугледжана Супольнай дэкларацыяй аб падтрыманні Украіны, якую ў ліпені падпісалі краіны G7 і да якой выказалі жаданне далучыцца яшчэ 10 краінаў.
Украінскую дэлегацыю на падпісанні пагаднення ўзначаліў кіраўнік Офісу прэзідэнта Андрэй Ярмак.
«Сімвалічна, што менавіта ЗША – наш найбуйнейшы стратэгічны партнёр – сталі першай краінай, з якой Украіна распачала гэты працэс. Такім чынам мы ствараем паспяховую мадэль і для іншых партнёраў», – зазначыў Ярмак.
Гарантыі бяспекі паспрыяюць узмацненню прагрэсу Украіны на шляху да будучага сяброўства ў ЕЗ і NATO, што застаецца канчатковай мэтай і самай надзейнай гарантыяй бяспекі, падкрэслівае прэс-служба Офісу прэзідэнта.
Дэкларацыя аб падтрыманні Украіны, падпісаная краінамі G7, прадугледжвае ўзмацненне абаронных і выведвальных здольнасцяў Украіны. Адной з першых краінаў не з G7, якая пажадала далучыцца да дэкларацыі, стала Нарвегія.
Марыя Міхалевіч belsat.eu