Гэтай зімой у Польшчу могуць прыехаць ад 500 да 800 тысячаў бежанцаў з Украіны. Такую лічбу ў эфіры польскага радыё RMF FM агучыла ваявода падкарпацкага ваяводства Эва Ленярт.
Кіраўніца падкарпацкага ваяводства Польшчы Эва Леніарт распавяла, што ракетныя абстрэлы Расеі пашкодзілі ва ўкраінскіх гарадах ЦЭЦ і іншыя аб’екты крытычнай інфраструктуры. Гэта азначае праблемы з ацяпленнем як дамоў.
«Мы мяркуем, што ёсць рызыка чарговай хвалі бежанцаў. Інфармацыя, якая паступае з Заходняй Украіны пасля апошніх нападаў, не выклікае аптымізму», – распавяла Эва Леніарт.
Прэзідэнт Украіны Уладзімір Зяленскі, а таксама прадстаўнікі адміністрацыяў заклікаюць грамадзянаў Украіны ашчаджаць электрычнасць і ацяпленне.
У сваю чаргу расейскія войскі працягваюць атакі на абʼекты крытычнай інфраструктуры.
Алена Аляксандрава belsat.eu