У мінулым годзе ў выніку няшчасных выпадкаў на станцыях, прыпыначных пунктах і перагонах пацярпелі 99 чалавек, з якіх 60 – загінулі, паведамляе прэс-служба МУС.
За першыя тры месяцы гэтага года зафіксавана 17 такіх здарэнняў, у тым ліку 13 са смяротным вынікам. Паводле інфармацыі ведамства, апошнімі гадамі пацярпелых менш. Ва ўсіх выпадках прычынаю траўмаў на чыгунцы было парушэнне пацярпелымі захадаў асабістай бяспекі.
Гэтак, 4 красавіка на станцыі «Зарэчнае» 14-гадовая дзяўчынка пры пераходзе рэек па пешаходным пераходзе не пачула сігналаў цягніка, бо была ў навушніках. Яна праігнаравала і светлавую і гукавую сігналізацыю. Ад атрыманых траўм аўшкольніца памерла на месцы здарэння.
Алена Рувіна belsat.eu