Прадстаўнікі Нацыянальнага антытэрарыстычнага камітэту Расеі (НАК) абвінавацілі ў арганізацыі выбуху ў кавярні ў Санкт-Пецярбурзе ўкраінскія спецслужбы. Паводле следчых, дапамагала ім агентура з прызнанага ў РФ экстрэмісцкім Фонду барацьбы з карупцыяй (ФБК), піша Interfax.ru.
2 красавіка ў кавярні на Універсітэцкай набярэжнай у Санкт-Пецярбурзе адбыўся выбух. У выніку загінуў вайсковы блогер Максім Фамін (Уладлен Татарскі). Ад выбуху пацярпелі 32 асобы.
«Выяўлена, што ўчынены 2 красавіка ў Санкт-Пецярбурзе тэрарыстычны акт у дачыненні вядомага журналіста Уладлена Татарскага, быў спланаваны спецслужбамі Украіны з прыцягненнем агентуры з ліку асобаў, якія супрацоўнічаюць з так званым Фондам барацьбы з карупцыяй Навальнага, актыўнаю прыхільніцай якога ёсць затрыманая Трэпава», – заявілі ў НАК.
Следчы камітэт Расеі заявіў, што сілавікі затрымалі Дарʼю Трэпаву. Пачатая крымінальная справа.
Алена Аляксандрава belsat.eu