#САНКЦЫІ

Ад Беларусі і Расеі дапусцяць па адным спартоўцы ў кожным відзе праграмы ў мастацкім коўзанні, канькабежным спорце і шорт-трэку. Будуць правяраць, што спартоўцы гаварылі пра вайну ва Украіне.

Санкцыйны спіс Еўразвязу папоўніўся шэрагам прозвішчаў беларускіх суддзяў, якія выносілі палітычна матываваныя выракі, паведамляе Народнае антыкрызіснае ўпраўленне.

Літва і Эстонія ўвялі санкцыі супраць грузінскіх чыноўнікаў, у тым ліку супраць прэм'ер-міністра краіны Іраклія Кабахідзэ. Пра гэта паведамілі міністры замежных спраў Літвы і Эстоніі.

Еўрапейскі Звяз плануе 16 снежня ўвесці ў санкцыі ў дачыненні амаль трох дзясяткаў асобаў з Беларусі. Канкрэтныя імёны пакуль не называюцца.

Сястра палітзняволенай Марыі Калеснікавай Таццяна Хоміч выступіла ў Еўрапейскім парламенце ў межах Дзён Беларусі ў Бруселі, дзе выказала сваё меркаванне наконт таго, што рабіць, каб вызваленне палітвязняў у Беларусі працягвалася.

«Белсат» сабраў афіцыйныя адказы польскіх уладаў у пытанні правярання абыходу санкцыяў, уведзеных супраць беларускай і расейскай драўніны ў сувязі з вайною ва Украіне.

Паморскі аддзел Нацыянальнай падатковай адміністрацыі Польшчы, Марская памежная служба і вайсковая паліцыя правялі правяранні ў пытанні абыходу санкцыяў, уведзеных супраць беларускай і расейскай драўніны ў сувязі з вайною ва Украіне.

Абраная прэзідэнтка Беларусі Святлана Ціханоўская і Міністэрства замежных справаў нашай краіны завочна паспрачаліся адносна сэнсу і значэння санкцыяў у дачыненні калійных угнаенняў. Пры гэтым МЗС нават зняпраўдзіла словы кіраўніка Беларусі Аляксандра Лукашэнкі.

Наймацнейшымі санкцыямі супраць уладаў Аляксандра Лукашэнкі ёсць узмацненне вайсковага падтрымання Украіны і іншае аслабленне Расеі. Такую думку ў размове з карэспандэнтам «Белсату» выказаў дэлегат Каардынацыйнай рады, юрыст Народнага антыкрызіснага ўпраўлення Міхаіл Кірылюк.

Міністэрства эканомікі Тайваню заявіла пра поўнае спыненне даставак станкоў, якія могуць выкарыстоўвацца вайсковымі прадпрыемствамі Расеі, у звязку з узмацненнем правілаў экспартнага кантролю.

Польскі тэлеканал «TVN24» паказаў сюжэт, паводле якога выходзіць, што «рыбны кароль» Аляксандр Машэнскі, якога неаднойчы спрабавалі ўнесці ў санкцыйныя спісы ЕЗ, жыве і працуе ў Варшаве. Як так атрымліваецца, што набліжаны да Аляксандра Лукашэнкі бізнесовец, бесперашкодна жыве на дзве краіны? Пра гэта «Белсат» спытаў у галоўнага дарадцы Святланы Ціханоўскай Франака Вячоркі.