#САНКЦЫІ

Калі б вярхоўны камісар ААН у правах чалавека прыехаў у Беларусь на запрашэнне менскіх уладаў, якое было яшчэ ў лютым, гэта прывяло б да паляпшэння сітуацыі ў краіне, лічыць кіраўнік Агенцтва еўраатлантычнага супрацоўніцтва Валер Кавалеўскі. Пра гэта ён распавёў «Белсату» падчас працоўнай паездкі ў ЗША, дзе сустракаўся з прадстаўнікамі ААН. Расказваем пра гэта і іншыя падрабязнасці візіту.

Зняцце санкцыяў з Сірыі дапаможа не толькі сірыйскай эканоміцы, але і Саудаўскай Аравіі, і, магчыма, Ізраілю.

Прэзідэнцкі спартовы клуб існуе, не каб даваць пару сотняў рублёў на развіццё перспектыўнага спартоўца, а дзеля адмывання сумаў, большых у мільён разоў, мяркуюць расследавальнікі «BELPOL». «Белсат» пераказвае выкрытую схему.

Мальта застаецца апошняй краінай Еўразвязу, якая выдае грамадзянства за інвестыцыі. Еўрапейскі Вярхоўны суд назваў мальтыйскую схему выдачы «залатых пашпартоў» незаконнай. Ад гэтага могуць пацярпець расейскія чыноўнікі і бізнесоўцы, якія абыходзяць санкцыі.

Беларусь зніжае як закупы ў Еўразвязе, гэтак і продажы туды. Аднак імпарт з некаторых краінаў ЕЗ стаўся вышэйшым, чым да поўнамаштабнай вайны ва Украіне, а экспарт у Кіпр павялічыўся ў 5,6 разу ў 2024 годзе. «Белсат» даведаўся, як змяніўся гандаль з ЕЗ за апошнія гады і што за «ядравыя рэактары» Беларусь там рэгулярна купляе.

9 красавіка суд задаволіў пазоў Міністэрства юстыцыі Украіны да ААТ «Беларуськалій» адносна спагнання ў даход дзяржавы актываў прадпрыемства.

Сёлета ўлады Беларусі плануюць урачыста адзначыць 80-годдзе сканчэння Другой сусветнай вайны, што ёсць важнай часткаю іх ідэалогіі. А вось пра магчымасць традыцыйнай амністыі з гэтай нагоды пакуль нічога не чуваць, хоць да самой даты застаецца менш як месяц. Ці значыць гэта, што ніякай амністыі ў гэтым годзе не будзе?

Жонку сярэдняга сына Аляксандра Лукашэнкі Дзмітрыя Ганну, таксама вядомую пад творчым псеўданімам як Ганна Сялук, ніяк не могуць дадаць у санкцыйныя спісы Еўразвязу. Прычыны гэтага даведалася «Бюро».

Ці могуць звязаныя паміж сабою фірмы, якія заснаваныя беларусамі ў розных краінах і гандлююць падсанкцыйнымі таварамі, не мець дачынення да абыходу санкцыяў? Крыніцы «Белсату» кажуць, што не. Пра пэўныя «званочкі» ў дачыненні гэтых кампаніяў кажуць і вынікі расследавання «Белсату», а таксама апытаныя намі эксперты.

20 сакавіка на 144-й сесіі Міжнароднага алімпійскага камітэту ў Коста-Наварына (Грэцыя), у выніку таемнага галасавання з сямі кандыдатаў на васьмігадовы тэрмін новым прэзідэнтам абралі 41-гадовую Керсці Ковэнтры з Зімбабвэ.

Лідар літоўскай партыі кансерватараў Лаўрынас Касчунас дамагаецца больш жорсткіх абмежаванняў для беларусаў, якія рэгулярна выязджаюць з Літвы на радзіму. Палітык мае намер зарэгістраваць свае прапановы ў Сейме ў пятніцу, 14 сакавіка.

Міністэрства юстыцыі Украіны падало пазоў аб выкарыстанні ў дачыненні «Беларуськалію» санкцыяў. У прыватнасці, аб спагнанні ў даход дзяржавы заяўленых актываў, што належаць кампаніі, а менавіта: карпарацыйных правоў, сродкаў, чыгуначных вагонаў, калійных угнаенняў.