Камітэт дзяржбяспекі Беларусі заяўляе, што пад прыкрыццём пасольства Украіны ў Беларусі працавалі разведчыкі, паведамляе БелТА.
З 19 дыпламатаў, якія працуюць у Беларусі, 8 з’яўляюцца супрацоўнікамі спецслужбаў Украіны, заявілі ў КДБ.
«Камітэтам дзяржаўнай бяспекі на працягу апошніх гадоў фіксавалася актыўная разведвальная дзейнасць з пазіцыі пасольства Украіны ў Рэспубліцы Беларусь, а таксама консульства гэтай дзяржавы ў горадзе Берасце.
Пры агульнай колькасці дыпламатычнай місіі Украіны крыху больш за два дзясяткі чалавек, не менш за палову з іх з’яўляліся кадравымі супрацоўнікамі Галоўнага ўпраўлення разведкі Міністэрства абароны Украіны і Службы знешняй разведкі Украіны, што зʼяўляецца беспрэцэдэнтным нават для дыпмісій буйных дзяржаў і сведчыць аб выбары Украінай курсу на правядзенне агрэсіўнай разведвальнай дзейнасці ў дачыненні да нашай краіны насуперак нармальным дыпламатычным адносінам», – заявіў прадстаўнік камітэту Канстанцін Бычак.
Таксама ў супрацоўніцтве з украінскай выведкай абвінавацілі журналіста Дзяніса Івашына, які знаходзіцца за кратамі ўжо больш за год. Ён, нібыта, атрымліваў ад украінскага боку грошы.
АД belsat.eu