Прэм’ер-міністр Латвіі Крыш’яныс Карыньш заявіў, што «тое, што адбываецца на латвійска-беларускай мяжы, гэта актыўная гібрыдная вайна, якую беларускі рэжым вядзе супраць ЕЗ – канкрэтна супраць краін Балтыі і Польшчы».
«Арганізуючы прылёт грамадзян Іраку ў Менск і затым арганізуючы прывоз гэтых людзей на вонкавую мяжу Еўразвязу з мэтай дапамагаць нелегальнаму руху людзей праз мяжу», – сказаў латвійскі прэм’ер у каментары LSM.LV.
Паводле яго, у Латвіі «ёсць абавязак абараніць і сваіх жыхароў ад пагрозы гэтай гібрыднай вайны».
«Калі ў гэтых грамадзян ёсць скаргі на жыццё ў сваёй краіне, калі ім цяжка або немагчыма там жыць, то ў іх ёсць усе правы папрасіць прытулак у краіне, куды яны прыляцелі – гэта значыць у Беларусі», – паведаміў Карыньш.
Нагадаем, што з Латвіі ў Беларусь развярнулі ўжо 395 чалавек з пачатку крызісу: у сярэднім на дзень праз беларускую мяжу спрабуе нелегальна трапіць у краіну каля 50 чалавек, у мінулы чацвер спрабаваў 101.
МГ belsat.eu