Разгляд справы працягнуўся 22 лістапада ў Менскім абласным судзе. Пра гэта паведамляе «Вясна».
22 лістапада Менскі абласны суд працягнуў разгляд «справы Атрадаў грамадзянскай самаабароны Беларусі». У справе праходзяць Дзмітрый Сасноўскі, Аляксей Глотаў, Наталля Мацвеева, Вадзім Гулевіч, Кірыл Ашурак. Агулам пяцёх фігурантаў справы судзяць паводле дзесяці артыкулаў Крымінальнага кодэксу, у тым ліку за тэрарызм.
Падсудным інкрымінуюцца тры эпізоды: спроба падарваць вузел сувязі Вайскова-марскога флоту Расеі ў Вялейцы, замах на прапагандыста Рыгора Азаронка і спроба знішчыць лесанарыхтоўчую тэхніку ў лясгасах. Справу разглядае суддзя Сяргей Епіхаў.
«На мінулым працэсе мусілі адбыцца спрэчкі бакоў, але раптоўна ў закрытым рэжыме дапыталі інжынера вайсковай часткі ў Вялейцы ды абвясцілі перапынак, каб пракурор падрыхтаваў новае абвінавачанне адзінаму фігуранту, які не прызнаў віны, – Дзмітрыю Сасноўскаму. У выніку яму перакваліфікавалі «рыхтаванне акту тэрарызму» на «акт тэрарызму», – адзначаюць праваабаронцы.
Сёння пракурор запрасіў для пяцёх фігурантаў тэрміны ад 14 да 20 гадоў калоніі:
Нагадаем, што 19 кастрычніка ў Менскім абласным судзе пачаўся працэс у «справе Атрадаў грамадзянскай самаабароны Беларусі», якія ў Беларусі прызналі тэрарыстычнай арганізацыяй.
Ува ўсіх выпадках былі задзеяныя «падстаўныя» суўдзельнікі-сілавікі. Пра затрыманне ўдзельнікаў атрадаў і гэтыя эпізоды стала вядома з выступу Аляксандра Лукашэнкі да Дня незалежнасці ў 2021 годзе.
Антон Тачняк belsat.eu