Прадстаўнік Ватыкану ў Беларусі Антэ Ёзыч прызначаны нунцыем у Грузіі і Арменіі
Арцыбіскуп Антэ Ёзыч завяршае служэнне ў якасці прадстаўніка Папы Рымскага ў Беларусі. Ён працягне сваю дыпламатычную працу на Каўказе. Адмысловае паведамленне было апублікавана 28 чэрвеня 2024 года, піша Vatican News.
«Святы Айцец прызначыў Апостальскім нунцыем у Грузіі і Арменіі Яго Эксцэленцыю шаноўнага арцыбіскупа Антэ Ёзыча, тытулярнага арцыбіскупа Цысы, да гэтага часу Апостальскага нунцыя ў Беларусі», – гаворыцца ў камюніке Залы Друку Апостальскай Сталіцы.
Іерарх з’яўляўся Апостальскім нунцыем у Беларусі з 21 траўня 2020 года. Ён змяніў на гэтай пасадзе арцыбіскупа Габара Пінтэра.
Антэ Ёзыч нарадзіўся 16 студзеня 1967 года ў горадзе Трыль у Харватыі. Святарскае пасвячэнне атрымаў 28 чэрвеня 1992 года ў складзе Сплітска-Макарскай архідыяцэзіі. У 1995 годзе пачаў рыхтавацца да дыпламатычнай службы ў Папскай касцельнай акадэміі. З 1999 года працаваў у Апостальскай нунцыятуры ў Індыі. Потым, у 2003-2009 гадах быў сакратаром нунцыятуры ў Расеі. У 2009 года стаў дарадцам нунцыятуры ў Філіпінах.
21 траўня 2020 года Папа Рымскі Францішак прызначыў іерарха Апостальскім нунцыем у Беларусі.
Марыя Міхалевіч belsat.eu
