Галоўная + топы

Самая доўгая араба-ізраільская вайна, падобна, завяршаецца перамір’ем, якое набудзе моц 19 студзеня. Хоць сам канфлікт дагэтуль не вычарпаны, і перспектываў яго развязання таксама нябачна. Тым не менш, ён ужо моцна паўплываў на сітуацыю ў свеце, а дасягнутае перамір’е, магчыма, паказвае, як будуць спрабаваць памірыць Расею з Украінай.

Дзяржтэлебачанне паказала сюжэты з палітзняволенымі супрацоўнікамі радыё «Свабода»: Ігарам Лосікам, Андрэем Кузнечыкам, Ігарам Карнеем, а таксама з Юрасём Зянковічам. Усе гэтыя асобы так ці іначай звязаныя з ЗША. Ці значыць гэта, што беларускія ўлады выставілі свой «тавар» на продаж для амерыканцаў і ці ужо могуць быць нейкія дамоўленасці на гэты конт? Абмеркавалі гэта з экспертамі. 

Чарговая хваля памілавання палітвязняў, пра якую сталася вядома 18 студзеня, як і папярэднія восем у мінулым годзе, а таксама з’яўленне на экранах Марыі Калеснікавай, Віктара Бабарыкі і іншых вядомых палітзняволеных – гэта пэўныя сігналы заходнім краінам і тэставанне мяжы, за якой на іх пачнецца рэакцыя, мяркуе аналітык радыё «Свабода» Валер Карбалевіч.

Мастак Дэ Лёс разам з «Белсатам» сочыць за галоўнымі падзеямі, што вызначаюць нашае жыццё ці выклікаюць шырокі рэзананс у грамадстве. Паказваем карыкатуры на найважнейшыя навіны апошніх тыдняў.

Аляксандр Лукашэнка памілаваў чарговыя 23 асобы, што былі асуджаныя паводле палітычных матываў, раніцаю 18 студзеня паведаміла БелТА.

Раніцаю ў суботу, 18 студзеня, расейскія войскі абстралялі балістычнымі ракетамі Кіеў і Запарожжа. У сталіцы, згодна з папярэдняй інфармацыяй на 8:30 паводле кіеўскага часу, загінулі 4 чалавекі. У Запарожжы ёсць параненыя ў цяжкім стане.

Акруговы суд Варшавы прызначыў пажыццёвае зняволенне 23-гадоваму забойцу беларускі Лізы, перадае карэспандэнт «Белсату». Менавіта такое пакаранне запытваў бок абвінавачання.

У Беларусі колькасць настаўнікаў ва ўстановах сярэдняй адукацыі знізілася на тысячу за год, а за апошнія чатыры гады – на 9,1 тысячы чалавек. Усё нават не праз невялікія заробкі, а праз кепскае стаўленне, распавядаюць «Белсату» людзі, якія працавалі ў беларускіх школах.

Цяпер у Берасці ў чарзе на выезд у Польшчу 1300 легкавікоў, хаця яшчэ 15 студзеня іх было болей за 2000. Але ўсё адно чакаць у чарзе даводзіцца доўга, больш за трое содняў.

Беларускі нацыянальны пашпарт мог бы развязаць праблему беларусаў ва Украіне, лічыць былы капелан, а цяпер грамадскі дзеяч і святар Сяргей Горбік, які служыць у Львове і дапамагае беларусам вырашаць іхныя праблемы, у тым ліку і звязаныя з легалізацыяй.

На выбары ў Беларусі запрасілі Бюро дэмакратычных інстытутаў і правоў чалавека (БДІПЧ) АБСЕ.

Праз больш як 15 месяцаў амаль бесперапынных баявых дзеянняў у Газе дыпламаты, якія ўдзельнічалі ў перамовах пра спыненне агню паміж Ізраілем і «Хамасам», падпісалі пагадненне.

Яшчэ два з паловаю года таму Лукашэнка казаў, што ў выпадку чаго ўсе лясныя інспектары мусяць «устаць пад ружжо». Цяпер інспекцыі далі яшчэ больш паўнамоцтваў. Брату начальніка КДБ даюць ледзь не прыватную армію? Эксперты кажуць, гэта прапагандысцкая кампанія з сумнеўнай рэальнай эфектыўнасцю.

Што агульнага ў беларусаў і чачэнцаў, якую ролю ў гісторыі Беларусі могуць адыграць полк Каліноўскага і Святлана Ціханоўская, якая будучыня чакае Расею. Пра гэта «Белсат» пагутарыў з прэм'ер-міністрам эміграцыйнага ўраду Чачэнскай Рэспублікі Ічкерыя Ахмедам Закаевым, якога ўлады РФ абвінавачваюць у тэрарызме.