Раніцай 9 снежня ў Менску адбылося дарожна-транспартнае здарэнне, у якім загінула жанчына. Пра гэта паведаміла прэс-сакратар МУС Вольга Чамаданава.
Аварыя здарылася каля 08:30 на вуліцы Сурганава.
Аўтамабіль «Subaru», які рухаўся ў крайняй левай паласе, каля дому № 3 збіў жанчыну 1947 года нараджэння, што пераходзіла дарогу па-за пешаходным пераходам. Ад удару пенсіянерку адкінула на аўтамабіль «Nissan», які ехаў насустрач.
Ад атрыманых пашкоджанняў жанчына памерла на месцы.
МГ belsat.eu