Міністэрства інфармацыі дазволіла «пірацкі» паказ Лігі нацыяў і таварыскіх матчаў
Міністэрства інфармацыі Беларусі абнавіла пералік спартовых спаборніцтваў, якія ў Беларусі можна паказваць без згоды праваўладальнікаў.
Адпаведная пастанова была апублікаваная на Нацыянальным прававым інтэрнэт-партале.
Улады дадалі ў спіс матчы Лігі нацыяў і таварыскія матчы з удзелам зборнай Беларусі па футболе. Іх будуць паказваць без згоды праваўладальніка – УЕФА.
Раней у гэты пералік былі ўключаныя сёлетні чэмпіянат Еўропы па футболе і чэмпіянат свету па пляжным футболе.
«Пірацтва» дэ-факта ўзаконенае ў Беларусі. 3 студзеня 2023 года ў Беларусі зʼявіўся закон «Аб абмежаванні выключных правоў на абʼекты інтэлектуальнай уласнасці». Гэты дакумент дазваляе выкарыстоўваць аб’екты інтэлектуальнай уласнасці без згоды праваўладальнікаў з краінаў, што «здзяйсняюць недружалюбныя дзеянні».
Глеб Нержын belsat.eu
