Увечары 30 чэрвеня Расея нанесла ракетны ўдар па Кіеве. Паводле папярэдняй інфармацыі, абломкі ракеты ўпалі на шматпавярховы дом, узнікла ўзгаранне.
Кіеўская гарадская вайсковая адміністрацыя паведамляе, што ў выніку ракетнай атакі зафіксавалі падзенне абломкаў у Абалонскім раёне сталіцы. Пашкоджаны шматпавярховы жылы дом.
Мэр Кіева Віталій Клічко паведаміў, што ўзгаранне ўзнікла на 8-м і 9-м паверхах. Пакуль інфармацыі пра пацярпелых няма.
Паводле Паветраных сілаў ЗСУ, расейская ракета прыляцела ў Кіеў праз Чарнігаўскую вобласць. Месца запуску і тып ракеты не названыя.
Глеб Нержын belsat.eu