#ПАКІСТАН

Улады Беларусі збіраюцца дамовіцца пра выдачу падазраваных з Бразіліяй, Венесуэлай, Зімбабвэ, Нігерыяй, Нікарагуа, Камбоджай, Паўднёва-Афрыканскай Рэспублікай, Шры-Ланкай і адной з Карэяў (якой – невядома).

Беларускае пасольства ў Індыі раіць беларусам у гэтай краіне не наведваць штату Джаму і Кашмір, на які прэтэндуе суседні Пакістан.

Перспектываю прыезду ў краіну вялікай колькасці мігрантаў абураюцца ў сацсетках звычайныя беларусы, але прапагандысты бачаць у гэтым уплыў апанентаў улады і Украіны. Яны нібы забыліся, што доўгі час самі ляпілі вобраз мігранта для беларусаў толькі як злачынца і чалавека, які спрабуе нелегальна трапіць у Еўропу і не працаваць. Паглядзелі, як змяніліся наратывы прапаганды і як рэагуюць на навіны пра пакістанцаў беларусы.

Аляксандр Лукашэнка прыдумаў хітры план – выгнаць нелаяльных беларусаў, а на іхнае месца завезці пакістанцаў. Адразу з сем’ямі. У выніку і эканоміка не пацярпіць, і ўлада ўмацуецца. Але, як адзначаюць эксперты, дакладнасць гэтай схемы да швейцарскага гадзінніка не дацягвае. Па-першае, Беларусь не такі ўжо і рай для пакістанцаў. Па-другое, калі яны і паселяцца ў Баранавічах ці пад Магілёвам, гэта можа толькі павялічыць напружанасць у краіне.

Падчас візіту Лукашэнкі ў Пакістан (але не ў сувязі з ім) у Ісламабадзе трываюць пратэсты і гвалтоўныя спробы іх разагнаць. Загінулі некалькі асобаў, дакладных звестак мала праз адключэнні інтэрнэту.

Магчымае адкрыццё простага авіярэйсу паміж Беларуссю і Пакістанам абмяркоўвалі падчас сустрэчы пакістанскі міністр камунікацыяў, прыватызацы і інвестыцыяў Абдул Алім Хан і міністр транспарту і камунікацыяў нашай краіны Аляксей Ляхновіч, паведамляе пакістанскае выданне «The News International».