За два дні – 27 і 28 красавіка – у Нямеччыне затрымалі восем грамадзянаў Пакістану, якія спрабавалі трапіць у гэтую краіну беларускім маршрутам. Пра гэта паведамілі ў нямецкай паліцыі.
Інцыдэнты здарыліся ў зямлі Мэкленбург – Пярэдняя Памэранія.
Гэтак, удзень 27 красавіка па дарозе з Геліну ў Бісмарк былі спыненыя двое грамадзянаў Афганістану і чацвёра грамадзянаў Пакістану. Яны заявілі, што прыйшлі пешшу з Польшчы, а раней былі ў Беларусі.
Раніцай 28 красавіка ў Пазэвальку, у цягніку з польскага Шчэціна, былі затрыманыя чацвёра пакістанцаў і адзін афганец. Яны расказалі, што накіроўваліся ў Нямеччыну праз Беларусь.
Нагадаем, што Аляксандр Лукашэнка справакаваў вялікую незадаволенасць у беларускага грамадства пасля таго, як паабяцаў прывезці ў Беларусь 150 тысячаў пакістанскіх працоўных мігрантаў на замену тым беларусам, хто з’ехаў праз ягоную палітыку.
Якуб Хруст belsat.eu
