Падарожжы аўтаспынам па Беларусі, курсы беларускай мовы, займальная гісторыя ды лепшыя дакументальныя фільмы. «Белсат» пераходзіць на летні сезон. Спраўдзі праграму ТБ!
Першае выданне новага сезону «Аўтаспынам па Беларусі» – у эфіры «Белсату» (або онлайн на нашым сайце) сёння а 20:40. Хутка выданне будзе апублікаваная на нашай старонцы.
Улетку мы скарачаем інфармацыйна-публіцыстычны блок ды пераключаемся на падарожжы, рэпартажы ды навукова-папулярныя праграмы. Што цікавага вы зможаце пабачыць на «Белсаце»?
Падчас здымкаў «Аўтаспынам па Беларусі»
Праект «Аўтаспынам па Беларусі», які шмат каму палюбіўся, у ліпені распачынае чацвёрты сезон. Цягам яго вядоўца і вандроўніца Аўгіня Манцэвіч наведае бабулек-шаптух на Палессі, навучыцца ад іх некаторым таямніцам знахарства. Гледачы «Белсата» змогуць пабачыць, як спадчынныя шапавалы робяць экалагічныя валёнкі, дзе пчолы жывуць у борцях высока на дрэвах, даведаюцца, у чым кайф сапраўднага чоўна, выдзеўбанага з 500-гадовага дуба. Гэтым летам разам з «Аўтаспынам па Беларусі» будзе шанец пабываць у гасцях у стогадовых жыхароў і навучыцца ў іх мудрасці, павандраваць па самым маленькім горадзе краіны і не толькі.
Не маеце магчымасці паехаць у Польшчу на славуты музычны фестываль Басовішча? Глядзіце «Лета ў “Аб’ектыве”» – адно з выданняў абавязкова будзе прысвечана гэтай падзеі. Небанальныя рэпартажы пра культурнае ды грамадскае жыццё будуць выходзіць штосераду а 20:30.
У вас будзе шанец пазнаёміцца з вандроўнікам Валерыем Аляксеевым, які нягледзячы на інваліднасць, за пяць гадоў аб’ездзіў 22 еўрапейскія краіны і дабраўся да Індыі. Або перанесціся на Падляшша, дзе Юрый Каліна здымае новы фільм «Белсату» пра тое, як 100 гадоў таму сотні тысячаў жыхароў заходніх губерніяў Расейскай імперыі ўцякалі ў глыб краіны, ратуючыся ад вайны.
Лета – выдатны час, каб падцягнуць веданне роднай мовы і гісторыі. Зрабіць гэта можна будзе падчас вячэры. Штодня а 18:55 глядзіце культурніцкі блок, а ў ім праграмы: «Гісторыя пад знакам Пагоні» (панядзелак-субота), «Мова нанова» (аўторак-пятніца), «Загадкі беларускай гісторыі» (чацвер).
З 9 чэрвеня шточацвер а 22:05 мы паўторым шэсць серыяў дакументальнага цыклу «Апошнія сакрэты Трэцяга Райху»: «Грошы Гітлера», «Сям’я Гітлера», «Паслугач Гітлера», «Генерал Гітлера», «Жанчыны Гітлера», «Архітэктар Гітлера».
З 17 чэрвеня штопятніцу а 22:05 вашай увазе – шэсць серыяў дакументальнага цыклу «Бывайце, таварышы!». Серыял прысвечаны 20-й гадавіне распаду СССР. Рэжысёр пабываў у больш чым дзесяці краінах былога Усходняга блоку, аб’яднаўшы сведчанні відавочцаў з архіўнымі дакументамі. У фільме закранаюцца праблемы падпольнай культуры, выкарыстання псіхіятрыі ў пераследаванні дысідэнтаў, злоўжывання ўладай у краінах Усходняга блоку, падпісання Савецкім Саюзам Хельсінскага акту аб правах чалавека.
Для аматараў дакументальнага кіно мы паўторым лепшае з таго, што з’явіліся на «Белсаце» цягам года: «Труба», «Хадаркоўскі», «Сірыя, эскадроны Джыхаду», «Рабы Да’ішу».
ІА, belsat.eu