Каралеўства Марока перадало свае танкі Т-72Б Украіне. Дакладная колькасць пастаўленай бранятэхнікі не агучваецца, піша выданне Menadefense.
Яшчэ летась каралеўства Марока пагадзілася перадаць танкі Т-72Б Украіне. Такой згоды бакі дасягнулі падчас саміту «Рамштайн» у красавіку 2022 году. Замест перададзеных Т-72 Марока можа атрымаць амерыканскія танкі «Abrams».
Колькасць перададзеных танкаў не агучваецца, вядома, што на ўзбраенні Каралеўства было каля 300 танкаў Т-72. Краіна набыла зброю ў 1999 і 2000 гадах у Беларусі. У тыя гады мараканскія ўлады мелі намер стварыць так званую «расейскую» брыгаду, якая б стала своеасаблівым адказам на створаныя алжырскія бранятанкавыя дывізіі.
Цяпер некалі беларускія танкі пойдуць на фронт супраць расейскіх войскаў.
Алена Аляксандрава belsat.eu