ЗША пакуль не бачаць прыкметаў перамяшчэння ядравай зброі ў Беларусь. Пра гэта 12 чэрвеня падчас брыфінгу заявіў каардынатар стратэгічных камунікацыяў у Радзе нацыянальнай бяспекі Джон Кірбі.
«Мы не бачылі ніякіх прыкмет таго, што перамяшчэнне ядравай зброі хутка пачнецца або ўжо адбываецца», – сказаў Джон Кірбі.
Таксама, паводле яго, нябачна «ніякіх прыкмет чаго-небудзь, што прымусіла б нас змяніць нашу ўласную пазіцыю адносна ядравай гатовасці або патэнцыялу». Рыторыку ж Аляксандра Лукашэнкі адносна ядравай зброі Кірбі назваў безразважнай і безадказнай.
Раней ён казаў, што намер размясціць ядравую зброю ў Беларусі – «гэта яшчэ адзін прыклад проста неабдуманай і безадказнай рыторыкі і пазёрства наконт ядравага патэнцыялу з боку спадара Пуціна і Масквы».
Саму ж ядравую зброю Пуцін і Лукашэнка плануюць размясціць 7-8 ліпеня – напярэдадні саміту NATO ў Вільні.
Якуб Хруст belsat.eu