Міністэрства надзвычайных сітуацыяў паведамляе, што днём 11 чэрвеня ратавальнікі зліквідавалі загаранне на ААТ «Нафтан».
«Гарэў блок абаротнага водазабеспячэння ў градзірні. Папярэдне ў выніку інцыдэнту атрымаў апёкі мужчына 1975 г. н., працаўнік спецыялізаванага рамонтна-будаўнічага ўпраўлення № 3 г. Наваполацку», – гаворыцца ў прэс-рэлізе МНС.
З кадраў, апублікаваных міністэрствам, відаць, што загаранне было значнае.
Невядома, як паўплываў інцыдэнт на працу прадпрыемства. Кіраўніцтва «Нафтану» ў сувязі з гэтым ніякіх заяваў пакуль не распаўсюджвала.
Прычына пажару высвятляецца.
Hавiны
«Reuters»: Расея нарошчвае імпарт нафтапрадуктаў з Беларусі
2024.03.27 21:16
Глеб Нержын belsat.eu
