#ВАЙНА ВА УКРАІНЕ

Наталля Эйсмант пракаментавала заяву прэзідэнта Украіны Уладзіміра Зяленскага пра тое, што Аляксандр Лукашэнка выбачаўся перад ім у першыя дні поўнамаштабнае вайны за тое, што з Беларусі ляцяць ракеты.

Прэзідэнт Расеі Уладзімір Пуцін звярнуўся да расейцаў з навагоднім віншаваннем, што сёлета сталася адным з найкарацейшых за 25 гадоў ягонага кіравання. У прамове ён таксама нічога канкрэтнага не сказаў.

Галоўнае ўпраўленне выведкі Міністэрства абароны Украіны заявіла, што жаўнеры спецпадраздзялення «Group 13» ЗСУ 31 снежня ўпершыню ў гісторыі знішчылі паветраную мішэнь з дапамогай ударнага марскога дрона «Magura V5», абсталяванага ракетным узбраеннем.

Украіна і Расея 30 снежня правялі абмен ваеннапалоннымі. Адбыўся ён на тэрыторыі Беларусі. Расейскі і ўкраінскі бакі падаюць розныя звесткі пра колькасць вызваленых.

Украіна сутыкнулася з недахопам дальнабойных ракетаў ATACMS, дазвол на выкарыстанне якіх па тэрыторыі Расеі надоечы атрымала ад ЗША, і ўсё радзей наносіць імі ўдары, паведамляе амерыканскае выданне New York Times.

Суд Воршы і Аршанскага раёну 9 студзеня мае разглядзець справу аб «Вырабе і распаўсюдзе парнаграфіі» (ч.1 арт. 343 КК РБ) супраць кагосьці Алега Уладзіміравіча Плаксіцкага. Так зваць аршанскага праваслаўнага святара, які ўжо трапляў у скандал з арганізацыяй паездак дзяцей да расейскіх неанацыстаў.

Расея масавана атакавала Украіну крылатымі і балістычнымі ракетамі раніцай 25 снежня. Асноўныя цэлі – аб'екты энергасістэмы, паведамляе міністр энергетыкі Украіны Герман Галушчанка.

У Крамлі адбылася сустрэча кіраўніка Расеі Уладзіміра Пуціна з прэм’ер-міністрам Славаччыны Робэртам Фіца.

Уладзімір Пуцін 19 снежня правёў ужо 21-ую прамую лінію, у якой абяцаў падвесці вынікі года. «Белсат» пераказвае, што Пуцін заявіў пра вайну ва Украіне.