Расея масавана атакавала Украіну крылатымі і балістычнымі ракетамі раніцай 25 снежня. Асноўныя цэлі – аб'екты энергасістэмы, паведамляе міністр энергетыкі Украіны Герман Галушчанка.
«Аператар сістэмы перадачы прымае неабходныя захады абмежавання спажывання для мінімізацыі негатыўных наступстваў для энергасістэмы. Як толькі будзе дазваляць сітуацыя з бяспекай, энергетыкі будуць удакладняць нанесеныя пашкоджанні», – адзначае Герман Галушчанка.
Ва Украіне прэвентыўна адключылі святло, паведамляе «РБК-Україна».
Крылатыя ракеты запускаліся з паветра і Чорнага мора, па Украіне былі запушчаныя таксама балістычныя ракеты.
Выбухі ад удараў ракет раздаваліся ў шэрагу гарадоў і рэгіёнаў: Харкаве, Дняпры, Самары, Крывым Рагу, Кіраваградскай вобласці, Запарожжы і Светлаводску.
На фоне гэтай атакі Польшча падняла ў неба вайсковую авіяцыю, паведамляе аператыўнае камандаванне Узброеных сілаў Польшчы:
«Прынятыя крокі накіраваныя на запэўніванне бяспекі на тэрыторыях, што мяжуюць з уразлівымі тэрыторыямі».
Арсен Рудэнка belsat.eu
