10-ы пакет санкцыяў Еўразвязу пасля ўварвання Расеі ва Украіну павінен быць гатовы да першай гадавіны ўварвання – 24 лютага. Пра гэта паведамляе Reuters.
Польшча і Літва прапануюць ЕЗ забараніць больш расейскіх прапагандысцкіх медыяў і адключыць больш расейскіх банкаў ад глабальнай сістэмы абмену паведамленнямі SWIFT. Таксама гэтыя краіны хочуць, каб Еўрапейскі Звяз увёў абмежаванні ў дачыненні да расейскага ядравага сектару.
Апроч таго, прапануюцца новыя санкцыі ў дачыненні Беларусі, каб перакрыць магчымасці абыходу раней уведзеных абмежаванняў.
Паводле словаў аднаго з дыпламатаў, «усё цяжэй дамагчыся неабходнай аднадушнасці ў ЕЗ для новых санкцыяў».
12 студзеня журналіст Рыкард Юзьвяк паведаміў, што афіцыйны Менск пазбег новых санкцыяў дзякуючы Кіеву.
МЗС Украіны абвяргае інфармацыю аб просьбе Украіны не ўключаць Беларусь у апошні пакет санкцый ЕЗ супраць Расеі. Спікер ведамства Алег Нікаленка заявіў, што гэтая інфармацыя не адпавядаюць рэчаіснасці.
Якуб Хруст belsat.eu
