ГУБАЗіК на сваім канале пракаментаваў ператрус у кнігарні «Кнігаўка»:
Яны пішуць, што «ворагі сваёй краіны накіроўвалі людзей на вуліцы ў жніўні 2020 года, спрабавалі адкрыць кнігарню з экстрэмісцкай і нацысцкай літаратурай». Свой запіс ГУБАЗіК суправадзіў скрыншотамі з каналаў «Выдавецтва Янушкевіч» і «Белліт».
Стала вядома, што сілавікі забралі ў затрыманага выдаўца Андрэя Янушкевіча 200 кніг.
Наконт 15 з іх будзе «праведзеная экспертыза». Паводле праўладных тэлеграм-каналаў, Янушкевіч нібыта ліставаўся з офісам Святланы Ціханоўскай, а працаўнікі выдавецтва «мелі дачыненне да рэдагавання некаторых дэструктыўных тэлеграм-каналаў».
Марыя Мурашка, belsat.eu