Аляксандр Лукашэнка падпісаў указ, паводле якога Беларусь выходзіць з Пашыранага частковага пагаднення аб спорце. Пра гэта паведамляе прэсавая служба Лукашэнкі.
Згодна з указам № 377, які падпісаў самаабвешчаны кіраўнік Беларусі Аляксандр Лукашэнка, нашая краіна выходзіць з Пашыранага частковага пагаднення Рады Еўропы аб спорце. Паведамляецца, што пастанова абумоўленая прыпыненнем удзелу Беларусі ва ўсіх пагадненнях Рады Еўропы.
Пашыранае частковае пагадненне аб спорце, заснаванае рэзалюцыяй Камітэту міністраў Рады Еўропы ў 2007 годзе, прадугледжвае спрыянне развіццю спорту. Бяруць удзел у пагадненні не толькі краіны Еўразвязу, але і іншыя.
Сёлета ў ліпені пагадненне пакінула і Расея. Беларускія спартоўцы, таксама як і расейскія, праз санкцыі не могуць браць удзелу ў шмат якіх спаборніцтвах.
Алена Аляксандрава belsat.eu