На вучэннях тэрабароны ў Лунінецкім раёне хочуць задзеяць атрад народнага апалчэння
У Лунінецкім раёне Берасцейскай вобласці з 8 чэрвеня пачынаецца навучальны збор з тэрытарыяльнымі войскамі, які працягнецца да 29 чэрвеня, паведаміла прэс-служба Міністэрства абароны.
Паводле заявы Міністэрства абароны, мэта збору – рыхтаванне службовых асобаў раённага выканаўчага камітэту фармаваць воінскія часткі тэрытарыяльных войскаў, а ваеннаабавязаных – выконваць задачы паводле прызначэння. Збор завершыцца камандна-штабным вучэннем сілаў тэрытарыяльнай абароны раёну.
У перыяд збору правядуць прыём ваеннаабавязаных тэрытарыяльных войскаў, іх забеспячэнне з выкарыстаннем мясцовай базы мабілізацыйнага разгортвання. Ваеннаабавязаных падрыхтуюць да выканання задачаў паводле спецыяльнасцяў і пасадаў. Будуць адноўленыя навыкі каманднага складу штабоў раёну і батальёну тэрытарыяльных войскаў.
Таксама падчас вучэнняў плануюць адпрацаваць пытанні фармавання, рыхтавання і выкарыстання атраду народнага апалчэння.
Алена Рувіна belsat.eu
