Генеральнага дырэктара Запарожскай АЭС Ігара Мурашова 30 верасня затрымаў расейскі патруль і павёз у невядомым напрамку. Праз тры дні яго вызвалілі з палону і цяпер ён знаходзіцца на падкантрольнай Украіне тэрыторыі, паведамляе «Энергаатам».
«Вядома, што акупанты выкінулі яго на падкантрольную Украіне тэрыторыю ўвечары 3 кастрычніка. Цяпер Ігар Мурашоў знаходзіцца ў бяспецы і знаходзіцца ў Знешнім крызісным цэнтры ЗАЭС у Запарожжа», – гаворыцца ў паведамленні «Энергаатама».
Паведамляецца, што Ігар Мурашоў быў вызвалены ў тым ліку дзякуючы намаганням кіраўніка МАгАтЭ Рафаэля Гросі. Ён пацвердзіў вызваленне гендырэктара ЗАЭС и напісаў пра гэта ў Twitter:
«Я вітаю вызваленне Ігара Мурашова, генеральнага дырэктара Запарожскай АЭС. Я атрымаў пацвярджэнне, што спадар Мурашоў шчасна вярнуўся да сваёй сям’і».
«Энергаатам» заявіў, што ў дзень выкрадання расейскія вайскоўцы спынілі машыну Мурашова, завязалі яму вочы, а затым павезлі ў невядомым кірунку. Тады Украіна ўсклала адказнасць за затрыманне Мурашова на Расею і назвала гэтыя дзеянні актам тэрору.
Алена Рувіна belsat.eu