«Шосты месяц жывём у доўг». Старшыня Беларускага дому ў Польшчы Алесь Зарэмбюк – пра дасягненні арганізацыі і праблемы з фінансаваннем сядзібы ў Варшаве

Са снежня 2023 года сядзіба Беларускага дому на вуліцы Крынічнай у Варшаве застаецца без дзяржаўнага фінансавання, неабходнага для ўтрымання будынку і прылеглай тэрыторыі. У 2025-м Беларускі дом ужо шосты месяц жыве ў доўг. «Усе кірункі дзейнасці пакуль існуюць і арганізацыя функцыянуе, але гэта не значыць, што так будзе працягвацца надалей», – кажа кіраўнік Алесь Зарэмбюк. У размове з «Белсатам» ён апавядае, дзе шукае сродкі на аплату рахункаў, і ці магчыма такое, што беларусы назаўжды страцяць вілу Ротштэйнаў.