Вайна

Падчас расейскай атакі на Кіеў пацярпела амбасада Польшчы. Варшава выказала пратэст

Амбасада Польшчы ў Кіеве. Здымак мае ілюстрацыйны характар. Фота: Посольство Республіки Польща у Києві / Ambasada RP w Kijowie / Facebook
Амбасада Польшчы ў Кіеве. Здымак мае ілюстрацыйны характар. Фота: Посольство Республіки Польща у Києві / Ambasada RP w Kijowie / Facebook
podpis źródła zdjęcia

Падчас масаванай атакі Расеі на Украіну ўночы з 3 на 4 ліпеня была пашкоджаная амбасада Польшчы ў Кіеве. Таксама ад расейскіх абстрэлаў пацярпела консульства Кітаю ў Адэсе.

Чытайце таксама:
Прэзідэнт Украіны Уладзімір Зяленскі. Здымак мае ілюстрацыйны характар. Фота: president.gov.ua

Зяленскі правёў «добрую» і «змястоўную» размову з Трампам (абноўлена)

«У выніку масаванай рашысцкай атакі на Кіеў быў пашкоджаны будынак консульскага аддзелу нашай амбасады», – паведаміў у «X» міністр замежных справаў Польшчы Радослаў Сікорскі, адзначыўшы, што «ўсе жывыя і здаровыя».

Ён таксама падкрэсліў, што Украіне тэрмінова патрэбныя сродкі СПА.

А польскае МЗС скіравала ў амбасаду Расеі ноту, у якой выказала «цвёрды пратэст супраць авіяўдараў па людзях», у выніку чаго пацярпеў будынак польскай амбасады. У міністэрстве падкрэслілі, што гэта супярэчыць міжнароднаму праву, у прыватнасці Венскай канвенцыі 1961 года.

У сваю чаргу міністр замежных справаў Украіны Андрэй Сыбіга паведаміў, што напярэдадні будынак Генеральнага консульства Кітаю ў Адэсе атрымаў нязначныя пашкоджанні ў выніку расейскіх удараў па горадзе. Ён назваў іранічным тое, што менавіта кітайскія кампаненты выкарыстоўвае Расея ў сваіх дронах для нападу на ўкраінскія гарады.

Прэзідэнт Украіны Уладзімір Зяленскі заявіў, што расейскія вайскоўцы ў ноч на 4 ліпеня нанеслі «дэманстратыўна значны і цынічны ўдар» па Украіне. Паводле звестак Вайскова-паветраных сілаў Украіны, Расея адразу скарыстала 550 «Шагэдаў» і 11 ракетаў. Толькі 478 з іх Украіна знішчыла.

Якуб Хруст belsat.eu

больш па гэтай тэме

Глядзіце больш
Item 1 of 4

апошнія

Item 1 of 10