Калі Папа Рымскі наведае Беларусь?

Хто такі для беларусаў Папа Рымскі? Кім ён быў для нас у час БССР і пасля распаду СССР? Адказ на гэтае пытанне трэба шукаць у дзяржаўнай ідэалогіі. Толькі трэба памятаць, што яна выцякала з ідэалогіі расейскага царызму, галоўнай задачаю якой была русіфікацыя. Усе паўстанні беларусаў і цяперашнія «русіфікатары» ў сваіх падручніках называюць польскімі. Праваслаўная канфесія магла існаваць толькі ў межах Маскоўскага патрыярхату. Каталіцкая лічылася варожаю, якая падлягае выцясненню. Яна звалася царскімі слугамі няйначай, як «польскай».