Юрыдычным асобам забароняць выкарыстоўваць у назвах найменні краінаў і міжнародных арганізацыяў
Шмат якія змены і дапаўненні ў Грамадзянскі кодэкс унесеныя Законам № 312-З аб змене кодэксаў. Яны набудуць моц праз год. Адпаведную пастанову апублікавалі на Нацыянальным прававым партале.
Падлеткі
Адна з паправак мяняе нормы пра тое, на якія ўгоды і юрыдычна значныя дзеянні маюць права маладыя жыхары Беларусі. Згодна з дзейным заканадаўствам, маладзёны ад 14 да 18 гадоў без згоды бацькоў могуць распараджацца сваёй стыпендыяй або іншым заробкам, грашовымі рахункамі, здзяйсняць дробныя побытавыя ўгоды.
У гэтыя пункты ўносяцца некаторыя папраўкі. Напрыклад, з 16 гадоў можна без згоды бацькоў стацца чальцом кааператыву, а з пісьмовай згоды – уласнікам маёмасці (заснавальнікам, удзельнікам) юрыдычнай асобы або займацца прадпрымальніцкаю дзейнасцю без адукацыі юрыдычнай асобы.
Юрыдычныя асобы
Шэраг паправак датычыць парадку рэгістрацыі і ліквідацыі юрыдычных асобаў.
Дзяржаўная рэгістрацыя юрыдычных асобаў, змяненні і дапаўненні, якія ўносяцца ў іх устаноўчыя дакументы, могуць быць прызнаныя несапраўднымі ў выпадках і парадку, прадугледжаных заканадаўствам. Рэгістрацыя кампаніяў або ўнясенне змяненняў у іх статуты могуць быць прызнаныя несапраўднымі дэкрэтамі або ўказамі – з усімі наступствамі, паведамляе «Office Life».
Да гэтага часу ў найменні юрыдычнай асобы ўказанне на афіцыйную поўную або скарочаную назву Рэспубліка Беларусь, словаў «нацыянальны» і «беларускі» дапускалася ў парадку, устаноўленым прэзідэнтам. Цяпер аналагічнае патрабаванне замацаванае ў ГК і адносна элементаў алімпійскай, паралімпійскай сімволікі. Дасюль такая норма ўстанаўлівалася ўказам № 440.
Новаўвядзеннем ёсць забарона змяшчэння ў назву юрыдычных асобаў поўных або скарочаных назваў замежных дзяржаваў, найменняў дзяржаўных органаў, міжнародных арганізацыяў і міждзяржаўных утварэнняў, за выключэннем выпадкаў стварэння юрыдычнай асобы на рашэнне прэзідэнта, дзяржаўнага органу, міжнароднай арганізацыі або міждзяржаўнай адукацыі. Акрамя таго, будзе забаронена змяшчаць у назвы прыватных кампаніяў словы, якія дазваляюць атаясамліваць іх з дзяржаўным органам, а таксама словы (абазначэнні), якія супярэчаць грамадскім інтарэсам ды іншым інтарэсам пад аховаю закону, прынцыпам гуманнасці і маралі, рэлігійным перакананням. Аналагічныя забароны існуюць у Расеі з 2008 года.
Яшчэ адна навіна: некаторыя юрыдычныя асобы змогуць дзеяць на падставе тыпавога статуту, зацверджанага ўрадам. Гэты дакумент не будзе змяшчаць звестак пра найменне, месца перабывання, статутны фонд, уласнікаў, але такая інфармацыя пры неабходнасці можа размяшчацца ў АДР.
Гэтыя нормы набудуць моц праз год. Прадпрыемствам, зарэгістраваным да гэтай даты, давядзецца прыводзіць свае ўстаноўчыя дакументы ў адпаведнасць з патрабаваннямі пры першым унясенні ў іх змяненняў і дапаўненняў пасля ўступлення ў моц новага закону.
СП, belsat.eu
