Аляксандру Лукашэнку на нарадзе 28 сакавіка раскрытыкаваў дапрацаваны праект указа аб павышэнні эфектыўнасці кантрольна-нагляднай дзейнасці. Дакумент быў падрыхтаваны ўрадам і вывучаны Камітэтам дзяржаўнага кантролю.
Праект указу прапануе ўзмацніць прафілактычную ролю кантролю, загадзя даводзіць інфармацыю да прадпрыемстваў аб тыповых парушэннях, выключыць залішняе ўмяшанне ў дзейнасць тых, хто нармальна працуе, і дапамагаць ім не дапускаць парушэнняў.
«Прапануюць «залатую сярэдзіну». Катэгарычна супраць. Ніякай змовы, ніякай залатой сярэдзіны быць не можа. Ёсць закон – яго трэба выконваць. У законе ўсё прапісана», – заявіў Аляксандр Лукашэнка.
Міністр падаткаў і збораў Дзмітрый Кійко падкрэсліў прапанову змясціць акцэнты ў бок прафілактыкі правапарушэнняў, выяўлення прычын і ўмоў, якія могуць спрыяць здзяйснення правапарушэнняў. Ён, напрыклад, звярнуў увагу на прапанову ўвесці забарону на правядзенне выбарачных праверак добрасумленных суб'ектаў часцей за адзін раз у пяць гадоў.
,,«Адразу пытанне: чаму ў пяць гадоў, а не ў два ці тры гады, не ў дзесяць гадоў? Што такое «добрасумленныя»?» – сказаў ён
Паводле яго, такая прапановы створыць карупцыйны складнік: «дзякуючы сябрам, знаёмым усе практычна хутка стануць «добрасумленнымі». Правяраць няма каго будзе. А яны падаткі не плацілі і не будуць плаціць». Лукашэнка таксама раскрытыкаваў тое, што дакумент забараняе старшыні КДК «самому вызначацца, дзе правяраць, дзе не правяраць».
Міністр спрабаваў растлумачыць, што добрасумленныя субʼекты павінны будуць адпавядаць вызначаным патрабаванням паводле працы арганізацый, выплаты падаткаў і гэтак далей. Прапануецца надзяліць правам сцвярджаць канкрэтны пералік такіх патрабаванняў Савет Міністраў, КДК і Генпракуратуру. Калі ж у кантралюючага органа будзе інфармацыя пра здзяйсненне такім прадпрыемствам правапарушэнняў, «у дачыненні да яго можа быць прызначаная пазапланавая праверка», сказаў Кійко. Лукашэнка раскрытыкаваў і гэта, хоць міністр сказаў, што для субʼектаў гаспадарання магчымасць меншай перыядычнасці праверак будзе плюсам.
Са сваёй крытыкай дакументу выступіў і старшыня КДК Васіль Герасімаў. У прыватнасці, яму не спадабалася прапанова, каб органы кантролю выкладалі ў інтэрнэце інфармацыю аб парушэннях. У такім разе, паводле яго, «нашыя субʼекты гаспадарання будуць самымі дрэннымі ў свеце».
Ён таксама не падтрымаў прапанову аб тым, што КДК будзе вымушаны кіравацца тлумачэннямі з месцаў ад дзяржаўных органаў, напрыклад, аб выплаце падаткаў.
,,«Гэта прамы шлях да карупцыі. Калі кожная службовая асоба ў дзяржаве пачне падпісваць паперы субʼектам гаспадарання, і мы абавязаныя будзем гэтым кіравацца, будуць падпісваць усё, што трэба», – сказаў Герасімаў, жадаючы пакінуць права інтэрпрэтацыяў свайму ведамству.
У выніку было вырашана дадаткова дапрацаваць указ.
Нагадаем, што пакуль кіраўнік краіны на словах змагаецца з карупцыяй, ён сам у ёй актыўна завязаны. Напрыклад, журналісты Беларускага расследавальніцкага цэнтру раскрылі схему адмывання грошай ад нелегальных онлайн-ставак у беларускіх казіно і знайшлі сувязь яе стваральнікаў з КДБ, беларускімі чыноўнікамі і Лукашэнкам.
Якуб Хруст belsat.eu
