Пра гэта Павел Клімкін паведаміў у сваім «Twitterʼы».
«Заўтра ў Будапэшце планую абмеркаваць справу зніклага грамадзяніна Украіны Паўла Грыба з беларускім калегам Макеем [Уладзімір Макей – кіраўнік МЗС Беларусі Заўв. Belsat.eu]», – напісаў Клімкін.
31 жніўня ў Будапэшце адбудзецца сустрэча міністраў замежных справаў членаў «Усходняга партнёрства» і Вышэградскай групы.
Павел Грыб паехаў у Беларусь 24 жніўня. Вядома, што мяжу ён пераадолеў без перашкод, а ў Гомлі яго след знік, і да сённяшняга дня невядома, дзе ён знаходзіцца.
Сваякі 19-гадовага Паўла ўпэўненыя, што да ягонага знікнення датычныя расейскія спецслужбы.
Паводле непацверджанай інфармацыі, хлопец знаходзіцца ў следчым ізалятары ў Краснадары.
ЮВ, belsat.eu