19 лютага 2007 года. Акно ў «McDonald’s» на Неўскім праспекце пасля выбуху, які адбыўся напярэдадні. У выніку выбуху пацярпелі больш за 10 наведнікаў, некалькі асобаў давялося шпіталізаваць. У будынку рэстарану абрынулася частка сцяны і частка столі з вентыляцыйнаю кансоллю. Вінаватымі ў тэракце суд прызнаў Фёдара Кавальчука, Яўгена Скорава і Уладзіміра Касякова. Кавальчуку прысудзілі 15 гадоў строгага рэжыму, Уладзіміру Касякову – да 6 гадоў калоніі агульнага рэжыму, Яўгену Скораву – да 7 гадоў умоўнага пазбаўлення волі з выпрабавальным тэрмінам на 5 гадоў. Падчас судовага працэсу Кавальчук, які прызнаўся ў злачынстве, заявіў, што на падрыў «McDonald’s» яго падштурхнула рэакцыя замежных медыяў на выступ Уладзіміра Пуціна ў Мюнхене, які ён расцаніў як абвяшчэнне халоднай вайны. Сваймі дзеяннямі Фёдар Кавальчук нібыта хацеў выказаць стаўленне да таго, што адбываецца. Выбар у якасці мэты рэстарану «McDonald’s» ён патлумачыў тым, што ўстанова гэтая, на ягоную думку, ёсць увасабленнем амерыканскага ладу жыцця, якому хочуць прымусіць адпавядаць расейцаў.
Фота: Вікторыя Казлоўа / ТАСС / Forum